De Froskönig

De Allmeesters kennt dat Märken vun de

Froskönig.

En wunnerschöön Prinzessin mutt sück bannig lang överwinnen bet se een Dag tatsächlich den lütten, hässligen aver snacken Frosch en teerlich Kuss gifft.

Gliek wannelt sik de lütt gröne Pogg in en wunnerhübschen Prinzen.

Se hebbt heiraadt un wurrn König un Königin.

So wiet de eenfache un schöön Geschicht vun den Froskönig.

Aver vondaag warrt allens achterfraagt – veel wat mööglich is, is ok ümkehrt mööglich.

Un so entstunn de Variante vun

de Königsfros.

En bannig ansehn Königspaar, se en ehmalge Prinzessin ut dat Riek vun de Inkas un he en blau Prinz ut dat Riek vun de Pepersäcke, de beid heiraten.

Se leven lang un tofreden tosommen.

Eenmal küss de Prinzessin denn hör Königsgemält un Swups – hett sück de blau Prinz in en lütt hässlich gröön Frosch verwannelt.

He hüppt ut dat Slott rut, över de groot Wies dal na ’n Strand.

Denn maakt he noch de letzt twee oder dree groot Hümpels un de Fros verschwindt in de deep Bülgen vun de Meed.

Dor hett he sik woll so goot föhlt, dat he nie wedder keem.

Dat is denn de Geschicht vun den Königsfrosch – de de Prinzessin af un to vertellt, wenn se an dat Finster steiht un op de See utkiekt.